好多人鍾意食 pizza，不過想自家製獨特口味，首先，屋企要有個焗爐，但若然連焗爐都無，又可以點？並非叫你去偉大的祖國搵，可以買個 Pizzeria Pronto，一樣幫到你整美味 pizza。
Pizzeria Pronto 全名叫 Pizzeria Pronto Stovetop Pizza Oven，直徑 12 吋，內藏堇青石石板，可以直接吸收明火所傳來的熱量，再平均地散發熱力，營造出類似焗爐內部的高溫環境，只需預熱15分鐘，即可將內部溫度提升至攝氏 600 度，而頂部設有小孔，用以排走水蒸氣，令烤製出的 pizza更脆更香口。
爐面上方亦設有溫度計，方便監測內部溫度，諗得夠晒周到，售價179美元（約HK$1,400）。