炸物夠香口，實在好難忍，想炸得健康，好多人會轉用氣炸鍋。若然一個人，大大部氣炸鍋盞俾人話阻碇，日本 ROOMMATE 上月推出的氣炸鍋，有名你叫，叫做 ZERO FRYER mini，擺明賣細。
睇外形，的確好難估到 ZERO FRYER mini 原來是部氣炸鍋，皆因體積比一般氣炸鍋細部之外，膠味亦甚濃，加上一身紅色，點都好難同可愛拉上關係，好彩，仲有部白色版本，叫做仲有得揀。
雖然外形一般，不過 ZERO FRYER mini 功能絕非講笑，提供 1000W 火力，頂部裝有風扇，利用熱氣在鍋內循環流動，溫度設定可由 120℃ 至 200℃ ，最長可連續氣炸 30 分鐘，並設有過熱保護裝置。而容量一公升的內膽，雖然適宜一人用，但由於因為內部容量較細，所以烹調時間可以更短，更快趣有得食。
售價：14,800 日元（約 HK$1,040）
*請留意，日本所使用的電壓與香港不同，在當地購買之電器，或需接駁變壓器，才可於香港使用。