好快又到夏天，自然令人想起雪糕，不過熱到連街都懶得落，索性自製雪糕。日本 récolte 日前發表最新自製雪糕機，繼續走輕巧路線，最重要，繼續有靚靚顏色揀，未食先興奮。
外形似足保暖杯的 Ice Cream Maker，打開之後，會分為上層的攪拌器及 400 毫升的製冷容器，只要將材料倒入製冷容器，再將攪拌器合上，攪拌 15 分鐘之後，就有新鮮雪糕食，簡單又方便。不過每次最多只能製作 200 毫升雪糕，只適合一兩人用，想「豪食」就要辛苦一點。
Ice Cream Maker 隨機會附有食譜，內有 12 種不同的雪糕製法，就算新手一樣可以玩自家製。新機預計會 5 月於日本開賣，設有粉紅色及綠色兩款機身顏色。
售價：3,000 日元（約 HK$210）
*請留意，日本所使用的電壓與香港不同，在當地購買之電器，或需接駁變壓器，才可於香港使用。