【家庭電器】夾髮器二合一 TESCOM 離子造型梳
每朝洗完頭，仲要一手拎梳一手拎風筒，變身繁忙合唱團，搞一大輪先見得人。日本 TESCOM 就將夾髮器及梳二合一，利用離子及熱力令頭髮乖乖聽話，想直定想曲？一把梳就搞掂。
剛於上月中推出的 ACH5，外形是一把梳，但在梳齒底部，裝有具熱力的陶瓷粒，當髮絲經過時，利用熱力造出貼服效果之外，並以離子修補受損的髮質。而溫度方面最高可達 180℃，並可作 5 段調校，只需 45 秒，就可以提升至 100℃，朝早趕頭趕命之時，可以幫手加快速度。
https://www.youtube.com/watch?v=G6YiaLPjJMU&feature=youtu.be
ACH5 背後設有多條坑槽，當梳到髮尾時，只要將梳轉動，就可以造出曲髮效果，而梳側亦有消靜電裝置，齊齊幫手令秀髮聽聽話話。最重要一點，是 ACH5 支援全球電壓，香港一樣適用。
售價：4,800 日元（約 HK$336）