【家庭電器】60 年生產達 6000 萬台　Sharp 60°C 高溫雪櫃原來為了愛

今時今日，雪櫃已是每個家庭必備的電器之一，自 1957 年開始生產雪櫃的 Sharp，亦宣布正式生產出第 6,000 萬台雪櫃，日前於日本搞回顧展，將過往型號展出，當中竟然有高達 60°C 的雪櫃。

自 1957 年推出首部雪櫃 HR-320，Sharp 在隨後的 60年，無間斷地推出不同型號的雪櫃，日前在回顧展中，展出不少非常破格的雪櫃，當中的功能更令人意想不到。

雪櫃的作用是冷凍食物，不過 Sharp 於 2005 年推出的 SJ-HV46J，雪櫃中央設有一個可高達 60°C 的儲存室， 用雪櫃「保暖」食物，認真奇怪。其實，是為了令丈夫在放工後，依然有暖笠笠的晚飯落肚，所以廠方當年以「感情熱庫」，作為雪櫃的宣傳語句，好有 heart。

上世紀 80 年代，微波爐開始盛行，所以 1986 年推出的 SJ-30R7，索性將微波爐設於雪櫃中間，一個雪櫃兩種用法，夠晒破格。

除了當年的雪櫃好玩得，新型號同樣有睇頭，最新的 SJ-WX 系列，具有輕觸雪櫃門，輕輕一掂就識自動開之外，更可以左右開都得，擺位方便好多。

 

 

圖片來源：家電watch