【家庭電器】扮靚要 high-tech 百老滙 apm 科技美容體驗展
扮靚不單只敷敷面膜就得，有高科技幫手，可以事半功倍，百老滙於今個月 4 至 7 號，於觀塘 apm 舉行「科技美容體驗」，試勻粒子美容機、智能面膜護理及家用 HIFU 機等，仲有好多優惠。
講明「科技美容體驗」，當然以科技扮靚行先，所以會場上，不少品牌都展出最新產品，包括 attibe ULTRALif 家用 HIFU 機、FOREO UFO 智能面膜護理、Plabeau Plasma高速粒子美容機及 LG Pra. L 美容系列、Amika、Philips Beauty 及 Dyson 等。
各大品牌亦趁機大搞優惠，不但只有特價或禮品。當中凡購買 Plabeau Plasma 高速粒子美容機，更會抽出3 位幸運兒，獲得金鐘國粉絲見面會入場券。而於會場中消費滿 $1,000，可獲贈禮品一份，消費最高的一位，更再送 SOUL ST-XS 真藍牙耳機一對（價值 $899）。
想更了解各產品，體驗會上，每日更都會有產品示範，主題由護脊、護髮及自拍等都有齊。
