【家居自煮】度俾你睇 火速升溫 Aladdin 石墨高速焗爐
每次用焗爐，預熱幾乎已經成為指定動作，不過來自日本的 Aladdin，推出石墨高速焗爐，0.2 秒就開始傳熱，慳返好多預熱時間，令烤焗時間大大縮短。
日本 Aladdin 並非首次採用石墨技術，過去亦曾利用石墨技術，推出電熱盤。今次以同樣技術移師至 Aladdin 石墨高速焗爐，將石墨比鐵傳熱快 10 倍的優點，發揮得淋漓盡致。
只需 0.2 秒，Aladdin 石墨高速焗爐內，已開始產生熱力，配合爐內壁的反射板，令爐內溫度不但可以短時間急速上升，並且平均散射。而實際以測溫探頭進行測試，約 2 分鐘後，爐內溫度已達到 280°C，最高更可達到 330°C。
今次在港推出的 Aladdin 石墨高速焗爐，提供白色及限定櫻花粉紅色，隨爐更附有烤盤及網架，如想烤焗時，減少彈油情況，可利用隨爐附送的烤盤蓋，加上焗爐底部設有大型碎屑收集盤，清洗亦相當方便。
由於 Aladdin 石墨高速焗爐熱力來得快，所以能迅速烤熟食物之餘，亦可保持食物中的水份，兼且毋須長時間開啟烤焗，從而可以達到慳電效果。其實，Aladdin 石墨高速焗爐不但適合屋企用，亦深受不少日本食肆採用，當中更深受 Cafe 歡迎，因為可以烤焗出外脆內軟的多士及麵包，而且製作時間短，快快手就有麵包出爐，客人又毋須等到頸都長。
相比於日版，港版 Aladdin 石墨高速焗爐，其實設計上亦有分別，除了電壓之外，玻璃門用上雙層設計，令烤焗時外層玻璃不會因高溫而燙傷。