城市人樣樣都要快，食個生果、飲杯果汁，最好都要快，不過用一般攪拌機或榨汁機，原來太快，都會出事，皆因轉速太高，反而會破壞蔬果營養。所以，轉用慢磨果汁機，可以飲得更有營。
雖然同樣榨汁，不過慢磨機無論結構及原理，都與攪拌機或榨汁機大不同。來自韓國的 HUROM，其 H-AA 慢磨機，利用雙軌道雙葉螺旋推進器進行壓榨，轉速只有每分鐘 43 轉，比起榨汁機每分鐘五千至一萬轉，避免金屬刀片因高速轉動而產生高溫，破壞蔬果內的營養，而且以慢轉速，可以壓榨出更多的蔬果汁，最重要，原汁又原味之餘，身體對吸收蔬果汁，相比直接食用蔬果，吸收能力更好，據廠方話，消化一杯蔬果汁，只需約 15 分鐘，但消化蔬果需要 3至5 小時。
好多人以為慢磨機，只可以整蔬果汁，其實識得玩，一樣好玩得，HUROM 仲可以整水果奶昔、冰沙、雪糕，甚至連豆漿同豆腐都可以出一分力，就算未玩過，都會有本食譜送埋。其實，要玩出多多花款，配件都好重要，所以，H-AA 隨機有粗及幼細榨汁隔網、雪糕隔、果汁儲存杯、渣宰儲存杯、清潔刷子、推壓棒、清潔安放支架，而且具備 500 毫升容器，可以一家幾口齊齊歎。
售價：$4,380