憑住一身迷人色彩的日本 BRUNO 電熱鍋，早前終於正式登陸香港，一眾香港女性無不動容，大讚好靚好得意，不過仲心大心細揀邊款顏色的時候，日本方面又有新機推出，更加是 Snoopy 特別版，令人愛上加愛。
今次 BRUNO 推出 Snoopy 特別版，同樣照顧各位鍾愛不同顏色的粉絲，因為同時有白色、粉紅色、紅色、啡色，以及限量特別版的青綠色，所有顏色的機身上，都印有 Snoopy 公仔，隨機附有平板及章魚燒板。功能方面，與普通版一樣，設有多段式溫度調校，作為 Snoopy 粉絲，下次去日本，又多個掃貨目標。
售價：9828日圓（約HK$740）
