屋企開飯，不想餐餐都來來去去煮幾味，以往多數都會打個邊爐。而近年電烤盤愈出愈多款式，不少家庭亦轉玩燒烤，一家人圍埋，煎吓食吓又傾吓，的確好玩。而日本 récolte 推出的 HOME BBQ 電烤盤，香港代理表示將於今年第二季在港開賣，令人期待。
燒烤，最重要是火力，HOME BBQ 具備 1200W 火力，烤盤採用不黏塗層之外，表面設有坑紋，可煎出如扒房的「靚紋」牛扒。而烤盤更設有排油孔，燒烤時，會將多餘油脂流落下方的水盤中，從而減少油煙。其實，HOME BBQ 不但可以燒烤，因為除烤盤之外，隨機亦附有平底煎盤，可以煮出更多不同的菜餚，同時亦送擺放烤盤蓋的支架，使用更方便。而 HOME BBQ 另一特色，是所有組件例如烤盤、水盤，甚至底盤，都可以拆出清洗。
香港代理目前仍未透露 HOME BBQ 的確實售價，如有更多消息，BetterHome.hk 將會第一時間報導。