每次熨衫，總會被意料之外的事情打斷，例如聽電話，又或者行出行入拎衫等，不過將熨斗閒置，其實相當危險。而 Bosch 新推出的 Sensixx’x DA70 熨斗，放低就識自動入 sleep mode，安全又醒目。
全新 Sensixx’x DA70 熨斗，一貫傳統外形，不過其手柄特別內置感應器，當拎起時，就會馬上發熱，而當放低後，就會自動進入待機模式，不但更加慳電，更可避免因熨斗閒置時，發生家居意外。或者有人會懷疑，短時間內，熱力是否足夠？其實 Sensixx’x DA70 具有 3000W，短時間就「撻著」，可以即叫即開工。
好少人熨來熨去，都得一種質地的衣服，但好多人都只會用一個溫度，熨勻所有衣服。其實不同質地，應該用合適溫度去熨，所以 Sensixx’x DA70 設有 i-temp 智能調溫功能，會自動調校溫度，毋須再先行分類，又可以慳時間。
具備蒸氣功能的 Sensixx’x DA70，底板以陶瓷製造，前方特別設計得更尖銳，方便鑽入衫鈕或者拉鏈位等。後方就用上圓邊，可以減少新摺痕出現，熨過衫，就應該肯定會愛上此設計。
售價：$1,298