為求飲得安心，不少人都會在家中安裝濾水器，不過就算有濾水器，都未夠放心，先將水煮沸後，攤凍先飲。日本 Waterlogic 日前發表最新淨水器 Edge-J3.0，講明自來水過濾後，都可以照飲。
Waterlogic 是日本一家專門推出淨水器的品牌，今次新發表的 Edge-J3.0，其實是繼 2014 年推出 Edge 之後的新一代型號，廠方聲稱可以去除水中 99.9999% 的細菌及雜質，聽落好似有點誇張，其實整部 Edge-J3.0 的設計，都為「除菌」而設，首先採用防菌水箱（容量 3 公升，上代為 1.5 公升），水會先經過活性碳過濾器，然後進入環型管道，而管道中設放大型 UV 燈（下圖），以作殺菌之用，最後在出水位，亦用上 UV 淨化技術，所以自來水經過濾後，就可以直接飲用。
一味只得廠方講，當然有人會質疑其可信性，所以 Edge-J3.0 亦有備而來，身懷 WQA（water quality association）認證及 NSF / ANSI 55的 A 級認證，證明絕對「有料到」。而活性碳過濾器可連續使用 4,000 公升，以每日飲 10.9 公升計，一年換一次就搞掂。
售價：77,000 日元（約 HK$5,400）
*請留意，日本所使用的電壓與香港不同，在當地購買之電器，或需接駁變壓器，才可於香港使用。