為求方便，好多家庭都轉用吸塵機械人，每日識得定時定候開工。若然想拖埋地，亦可以買多部拖地機械人，不過 ECOVACS 推出的 DR95，就將兩者二合為一，自動吸塵兼拖地，慳位，又慳時間。
今時今日的吸塵機械人，識得自動返充電位、避開障礙物、防碌落樓梯等功能，已經是指定動作，所以 DR95 焦點功能之一，就是加強清潔效果，不但設有兩種吸力選擇，其一是以主清潔刷進行深度清掃，其二是切換到直接吸塵，將毛髮直接吸入，防止纏繞之外，在底部的吸入口位後方，加設乾濕拖地系統，利用儲水槽潤濕清潔布，在吸塵後即時拖埋地。
要吸得乾淨，最重要是吸塵機械人識得走位，而 DR95 不止會掃描環境，仲識建立地圖，令單次清潔中就做到最大覆蓋率，同埋識避開障礙，以最短路徑返去充電座。若然 DR95 在開工中斷電，當再次充電後，識得返去上次清潔位置，繼續開工，包無偷懶。
而 DR95 設有專用手機 app，可以在 app 內排程或開始自動清潔，監控機器人位置及清潔進度 ，又或者叫機械人重點清潔指定位置。
售價：$7,888