好多人鐘意飲有氣飲品，貪其口感比一般水豐富，甚至乎有人會買部「打氣機」，為家中不同類型的飲品「打氣」。而日本 Green House 推出的打氣水樽，可以隨時為飲料加入碳酸，去到邊都有「氣水」飲。
碳酸水機，亦可以叫做打氣機、汽泡水機或梳打水機，體積雖然不算大，不過好少會拎出街用，多數只會在家中使用。而 Green House 推出的打氣水樽 Twispa，外形跟一般水樽分別不大，只是樽蓋部分較大，而「打氣」玄機亦正正藏於樽蓋內，因為在樽蓋內，可放入小型二氧化碳氣體樽，然後將氣體注入樽內飲品「打氣」。最重要是整個過程可以隨時隨地進行，毋須接駁任何電源，非常方便。
水樽容量為 950 毫升，如果是一般水，可以「全數」打氣，若然是果汁或酒精類飲品，則只限最多 720 毫升。而大家最關心的，當然是氣體樽的售價，據日本 Yahoo! 標價，十支裝售價為 767 日元（約 HK$54），計落每支「加氣」成本約 5 毫多，隨時比家用打氣機更抵玩。
售價：4,999 日元（約 HK$350）