【家庭電器】紅卜卜潮機？　Supreme 拍 Dyson 出吸塵機

潮流品牌要「入屋」，向家電品牌埋手，絕對有理由，尤其由潮流品牌 Supreme 出手，更加威力十足，連推出「磚頭」都有人買，今次向 Dyson 埋手，心動無？

此 Supreme x Dyson 特別版，名為「Suck Em!」，意思即是「吸晒佢！」。用上紅色機身設計，有齊 Supreme 元素，雖然特別版源自 V6 Trigger，並非最新型號，但依然極具吸引力，想買部新機去吸塵？毋須心急，皆因此機其實是一名網友，在 ig 上發表的概念圖片，之不過， Supreme 向來不按常理出牌，他日有可能雙方情投意合，出部真機都未定。