【家居自煮】電磁爐上身 Kenwood 廚師機自動校火力
廚師機功能多多，又攪又搾又切又搓瓣瓣掂，不過 Kenwood 新推出的專業級廚師機 KCC9040S，更加將電磁爐融合，可以直接叫「廚師」煲湯炒兩味，開爐都慳返。
擁有 6.7 公升容量的 KCC9040S，機身設有液晶顯示屏幕，不但可以直接查看各種狀態資訊，更可調校溫度，因為 KCC9040S 強項之一，就是將電磁爐結合，令攪拌碗可以發熱，直接在攪拌碗內炒餸煲湯，溫度方面可由 20°C 調校至最高 180°C，想大火炒定慢火煲湯一樣得，最重要是搞好食材之後，毋須再搬來搬去，慳返不少時間及功夫。
雖然 KCC9040S 被稱為專業級，不過只是功能專業，就算是入廚新手，都可以應付到，皆因內置 20 種煮食功能，只要跟住指示，放好食材之後，就會自動根據步驟轉換火力。具有 1,500W 火力的 KCC9040S，提供高達 24 種配件，而且不銹鋼盛器及摩打均有十年保用，絕對可以做個盡責的廚師。
售價：$17,888