【家居自煮】有片！獨家首試　8 分鐘有飯食　Siroca SP-D131 日式慳位壓力煲

日式小家電，不但慳位，兼且仲好靚仔，就算過往大大部的壓力煲，同樣變得好輕鬆，最佳例子就是來自 Siroca 的 SP-D131 電子壓力煲，今次 BetterHome.hk 率先為大家獨家試用，據知，此煲更好大機會引入香港發售。

過往曾試用過 Siroca 的咖啡機、焗爐等，每次都令人印象深刻，今次試用的 SP-D131，上月尾才正式於日本發表，BetterHome.hk 火速就收到日本版。實物現身，比想像中更細，輕觸式按鈕加上大型顯示屏幕，觀感相當良好。

雖然機仔細細，但容量為 1.3 公升，足夠二人家庭用。 SP-D131 具有 70kPa 壓力，煲蓋裝有安全鎖，需拉起再轉動，先可以打開煲蓋。而煲蓋配備壓力閥門及壓力提示棒，可手動減壓及檢視煲內壓力。操作方面，內置多個烹調程式，例如白米、玄米、肉類及無水咖哩等，兼且具有保溫功能。

既然叫得做壓力煲，當然要煮得快，而 SP-D131 亦不負所望，試用時，以 8 分鐘就可以生米煮成熟飯，15 分鐘就完成炆豬肉，令煮飯時間大大縮短，效果亦相當理想，十分適合香港家居環境及講求時間的香港人使用。

估計售價：HK$1,380