【家居裝潢】大件化小　主子專用　日本大川貓家具

早前 IKEA 推出家中寵物專用的家具，向來愛貓的日本人，當然有主子專屬家具。由著名大川家具出手，以「原裝正版」體積縮細而成，有床又有梳化，好歎呀。

「主子梳化」是大川家具與広松木工合作設計及生產，按照實物跟足比例縮細而成，就連細緻位亦跟到足，細心睇，坐墊縫線都無偷懶，同貓奴們一齊坐住睇電視，肯定主子滿意收貨。

而「主子大床」，則是大川家具與立野木材工芸合作，不但跟足真正大床的製作方式，床頭櫃都有齊，單睇相，的確好難想到是主子專用。