【家居自煮】40 顏色　有爐有盤　意大利 Fantin Amulets 一體化廚櫃

傳統廚房，不少得一排又一排的廚櫃，意大利 Fantin 新發表的 Amulets 廚櫃，採用一體化設計，不但有洗碗盤，連焗爐及電磁爐都有齊，仲有 40 種顏色揀。

來自意大利的傢俱品牌 Fantin，成立於 1968 年，最新發表的 Amulets 廚櫃系列，出自設計師 Salvatore Indriolo 手筆。以品牌最擅長的金屬製造，外形簡潔，兼且共有 40 種顏色選擇，睇得悶，想換款都好容易。

Amulets 設備齊全，除了有齊洗碗盤及水龍頭，並已內置電磁爐及焗爐，一個廚櫃就可以滿足日常入廚需要。全新 Amulets 系列將於本月中的米蘭設計展上展出。