【家庭電器】內置大屏幕 睇車又認樣 日本未來之門 Update Gate
家中大門，閒閒地都兩米高，絕對是裝上大屏幕的最佳位置，日本 YKK AP 發表的 Update Gate，不但內置大形屏幕，睇新聞天氣及提示重要事項，仲識認樣，番到屋企自動開門。
幾乎整道門都內置屏幕的 Update Gate，用法多多，除了可以轉換不同的大門圖案，更由於大門位處獨特「地理」位置，配合內置的收音咪，可即時作為每次出門前作天氣報告、交通資訊及提醒重要事項，以防帶漏物品。
Update Gate 內置鏡頭，並以人工智能，來辨識家中各人，憑樣認人，隨時變身自動門，或者作監察鏡頭用途，利用手機，就同時睇到室內與室外的情況。
預計 2020 年先開賣的 Update Gate，現時於日本新宿設有展示館，去開日本，記得到此一遊。
售價：預計 130 萬至 200 萬日元（約 HK$91,000 至 140,000）