【家庭電器】先噴後吸 無線清潔 美國 Bissell 手提去污機
地毯污漬向來都難處理，美國 Bissell 推出的手提去污機，先噴上清潔劑，刷幾刷之後再直接吸走，加上有型賣相兼無線操作，睇得又洗得。
來自美國的 Bissell，雖然未有引入香港，其實品牌歷史悠久，成立於 1876 年，多年來專注於地毯清洗等器材。
全新的 Bissell 手提去污機 20056，機身線條稜角分明，重量 2kg，內藏兩個約 220 毫升的水箱，分別儲存清水及污水，使用時先將清水及清潔劑噴灑於污漬上，以底部的膠刷清潔後，就可即時將污漬吸走，並儲至污水箱內。
由於 Bissell 手提去污機 20056 採用無線設計，使用時相當方便，只要充電 4 小時，可連續使用 15 分鐘。其實不單止地毯， 亦可清潔梳化及汽車座椅等，隨機亦有玻璃清潔刷，適用於玻璃及鏡面。
手提去污機 20056 雖然未有在港發售，若然想入手，建議可選購英國版本（下方連結），除了電壓適用於香港，插頭亦相同，但就需要擔心保養問題。