【家庭電器】毋須用手 成棚牙一齊擦 CHIIZ 超聲波環形牙刷
刷牙，點都離不開一支牙刷，而 CHIIZ 超聲波牙刷採用破格設計，只要整個套上牙齒，就會自動刷牙，一面刷牙一面洗面，朝早又可以瞓多兩分鐘。
似足牙套的 CHIIZ，設有兩種尺寸。用法好簡單，先在 CHIIZ 塗上專用牙膏，再套在牙齒上，就會自動以超聲波作每分鐘 25,000 次震動，刷足 30 秒。點解要 30 秒？與專業醫生建議的 180 秒相距甚遠，原來傳統牙刷每隻牙只刷幾秒，CHIIZ 則同時清潔 28 隻牙齒，所以其實刷 30 秒，已經比傳統牙刷得更耐。
CHIIZ 以防菌物料製造，具有 IPX7 防水能力，可以直接用水沖洗。設有充電底座，採用無線充電，放上底座就可進行充電。現時 CHIIZ 於眾籌網進行集資，預計今年 9 月出貨。
眾籌價：69 美元（約 HK$540）