【家居自煮】有片！全港率先試玩 BRUNO 雙杯雪糕機
早前 BetterHome.hk 全港率先介紹 BRUNO 新推出的雙杯雪糕機，令不少人很想一嚐自製雪糕的樂趣，今日 BetterHome.hk 就從日本取得實機，第一時間為大家試玩，究竟「搞」成點？
見到實物，跟睇相絕對感覺不同，機身體積比想像中大，當然，大有大好，皆因雪糕杯亦可以更大，即是話可以製造出更多雪糕。機身主要分為三部分，底座、附有摩打的上蓋及兩個雪糕杯，全部以塑膠製造，而兩個雪糕杯因內部以金屬製造，令其可以達到保溫的功能。
使用方法亦非常簡單，先將雪糕杯放入雪櫃冰凍 8 至 12 小時，再將雪糕杯放上底座，而兩支攪拌棒並非固定裝嵌，而是在合上上蓋時，需要用手指輕輕扶住，然後才將上蓋合上，並扭動安全鎖至「Lock」位置。之後開動機頂的電源掣，就會馬上進行攪拌，再將食材（由於時間關係，今次示範只用上牛奶、忌廉及糖）倒入杯內，而杯口設有小孔，倒入食材時亦不怕整污糟其他地方，相當細心。
據廠方指示，需要攪拌約 20 分鐘，當攪拌至 5 分鐘後，已經開始呈現凝固狀態，20 分鐘之後，大功告成，一個雪糕杯的份量，大概可以換成約三球雪糕，相信都足夠一個人享用。雖然廠方話已經可以即時擺得入口，不過試食後，認為口感較似軟雪糕（個人其實鐘愛軟雪糕），如果喜愛較「硬淨」的口感，建議再擺入雪櫃冰凍一段時間。
整體而言，所費無幾（售價 5,800 日元），可以有得玩又有得食，再加上得意賣相，絕對是夏天恩物。