【家居自煮】首創直噴水蒸氣　Sharp 全新 Healsio 蒸焗爐

焗爐結合蒸氣技術，令烤焗食物都保持濕潤，當中 Sharp 的 Healsio 系列，就玩得出神入化。日前廠方於日本發表最新 Healsio 系列，加入水蒸氣直噴技術，輕易造出外焦內嫩效果。

全新 Healsio 蒸焗爐，型號 AX-XW400， 承接去年推出的 AX-XW300，同樣為 30 公升容量。雖然外形未有大變動，不過功能上加添不少新意，最大特色之一是將水蒸氣噴射方式，設於爐內頂部位置，據廠方表示，可以增加 8 倍熱力，蒸氣密度比上代高出 1.39 倍，並且可更易造出外焦內嫩效果，例如鰹魚半敲燒、半熟牛扒等。廠方仲話就連食物香味及味道持久度，都分別增加 17% 及 18%，並非講笑，數據由日本「味覺戰略研究所（味香り戦略研究所）」測試得出，有根又有據。

新爐另一厲害之處，是可以同時處理不同溫度的食材，例如急凍食物與蔬菜，兩者溫度差異極大，但由於爐內設有溫度感應器，可以偵測出不同食材的溫度，從而以不同熱力及蒸氣度，同一時間進行烤焗，慳返不少解凍及逐個食材處理的時間。

其實，新爐亦加入語音對話操作模式，不過對於香港用家，相信作用不大。新爐預計 8 月初於日本開賣。

 

售價：待定

產品網頁

*請留意，日本所使用的電壓與香港不同，在當地購買之電器，或需接駁變壓器，才可於香港使用。