每次去酒店，總覺得別人的毛巾特別白特別軟特別好抹，點解屋企條毛巾又黃又乾又硬？其實只要識得五個秘技，每次沖涼洗面，都抹得舒服過人。
秘技一 時間
應該每隔三至四日，就要將毛巾放入洗衣機清洗，不要與毛巾「依依不捨」，結果只會令你的毛巾又黃又霉，到時先洗，已經太遲了。
秘技二 水溫
用凍水洗，可以令毛巾避免收縮，對於深色毛巾，亦不會較易甩色，如果住近海邊，用凍水洗，更可以減少發霉機會。
秘技三 柔順劑
想毛巾又軟又鬆，理所當然就會在清洗時，加入柔順劑，其實反而有機會破壞毛巾纖維，其實只要在放入洗衣機時，加入一個網球一齊洗，就可以洗出又軟又鬆的毛巾。
秘技四 烘乾
以乾衣機令衣物變乾，的確好方便，但對於吸水能力極強的毛巾來講，吸得快亦乾得快，如果過度烘乾，就會令毛巾變硬，烘多士的原理，你應該明吧。
秘技五 洗衣粉
每次洗衫落洗衣粉，好少人會嚴格計算份量，大多只是大概份量就算數，之不過如果落得過量，非但不會令毛巾更乾淨，反而會令洗衣粉藏入毛巾中，變得更難洗得乾淨，同樣會令毛巾變得更硬。
圖片來源：互聯網