【家事百科】屋企齊齊整整 七個習慣最緊要

iw0ugtm

解屋企愈住愈亂?好多人只會到忍無可忍的時候,先來個大執拾,不個執完未夠一星期,好快就打回原形,其實,只要養成七個好習慣,就可以令屋企齊齊整整,毋須再為執屋而煩惱。

第一招 - 衣物
每日放工返到屋企,除手就將當日所著的衫褲鞋襪周圍放,雖然屋企四周已經擺滿掛勾,不過只會愈掛愈多,所以,要養成將當日衣物馬上放入洗衣籃,或者將大褸掛起放入衣櫃。

第二招 - 廢紙
每日打開信箱,總會有一大堆宣傳單張,返到屋企就隨手放埋一邊,結果又愈積愈多,廢紙,最好馬上放入環保回收箱,保持屋企整齊。

第三招 - 污跡
灰塵、油跡,甚至食物污跡,總會不停地出現在屋企內,所以每次見到都即時處理,若然日子有功,想要清除,所花的功夫及時間,絕對辛苦得多。

 

1443813934840.jpg

第四招 - 睡床
鍾意將床頭擺滿心愛物品,例如公仔等,並非只是女性專利,就算男士們,一樣鍾意將漫畫書,動漫公仔擺滿床頭,所以,為床頭設定一個固定擺放範圍之外,起身後摺被,亦是一個重要的好習慣。

第五招 - 鞋
開心買鞋,不開心買鞋,所以屋企有皮鞋高踭鞋藍球鞋跑鞋…,其實極之平常,但每日返到屋企,隨手就將鞋放在門邊,結果門邊疊成一個又一個小鞋山,所以,一個大容量的鞋櫃,是屋企整潔的必備之物。

 

9aqikvpas03t2l6g0430ckoi16kfoko.jpg

第六招 - 碗碟
好多人都鍾意下廚,不過就好少聽到有人話鍾意洗碗,每到洗碗時,個個就孔融上身,你推又我讓,最後一餐又一餐,堆積如山的碗碟,不如每日清理,否則最後企到腳痺都未洗完。

第七招 - 手尾
屋企四周圍都有大大小小的雜物,部分一日用幾次,例如遙控器、牙籤筒、紙巾盒等等,部分就幾日先用一次,例如吸塵機、地拖、工具箱等等,所以,為每件雜物設定安身之所外,更加要習慣每次用完都放回原位。

 

圖片來源:互聯網

發表回覆

你的電郵地址並不會被公開。 必要欄位標記為 *