燙衫，絕對是一門學問，識燙，未必代表燙得靚，不過想燙得靚，最起碼，都要有個好燙斗，但又點為之好燙斗？又最起碼，用得順手之餘，燙得流暢心到燙斗到，無條電線阻手阻腳，甚至乎，可以識得自我清潔，仲好。
蒸氣燙斗絕非新奇事，不過用得耐就知，衣物纖維會隨年月，慢慢附在燙斗的噴氣位，之後就令到噴氣位阻塞，結果？換燙斗！法國 Tefal 新燙斗名為 Freemove 9970，配備鈀金屬塗層，作用是在加熱時，會自動清洗底板上的微細衣物纖維，加上高達每分鐘 180g 的「噴氣力」，可有效避免噴氣位出現阻塞，並會因應不同布料，自動調校蒸氣噴出份量，配合內置防滴漏活門，毋須再有一面燙衫一面滴水的情況出現。
Freemove 採用無線充電設計，只需將燙斗放上底座，就可馬上充電，根據使用習慣調查顯示，其實每次燙衫時，一般只會連續使用 8 至 20 秒，然後就會放低燙斗，將衣服轉位後再燙，所以 Freemove 每次可連續使用 25 秒，然後放回底座後，4 秒即可完成充電及儲熱，絕對夠用。
售價：HK$1,098