【家庭電器】拎印花拎到盡 萬寧換購 Philips、Rasonic 家電
繼全城瘋換 récolte 小家電之後，萬寧又再出手，今次不單止廚房有份，成間屋都可以受惠，當中包括 Philips 家電及 Rasonic 廚房電器，想知點先拎到最多印花？即睇！
今次可換購的家電，包括 Philips FC6168 吸塵機、HD9305 電熱水煲、HD2137 智能萬用鍋，Rasonic RVS-TS11 真空機及 RTP-W43S 電熱水瓶，印花派發時段為即日起至 7 月 13 日，換領期則為即日起至 7 月 20 日。換購折扣最高有 45 折，例如 Philips FC6168 吸塵機原價為 $2,298，換購價則為 $999，相當抵玩。
而大家最關心的，當然是如何以最低消費金額，拎到最多印花，除了最基本的每 $60 可以得到一個印花之外，其實只要購買指定產品，同樣可以得到額外印花，例如購買個人護理產品滿 $60（包括頭髮護理、口腔護理、沐浴產品、女士衛生用品、止汗香體產品、剃鬚及脫毛產品），或者護膚產品滿 $150（不包括化妝 / 護膚/ 醫學美容專櫃產品、短期推廣產品、嬰兒潤膚露及潤膚霜、化妝棉花、脫毛產品、美容小工具及美甲用品），就有雙倍印花。
而購買下列產品及件數，亦都可以額外多一個印花。不過要留意，萬寧樽裝水及棉花棒都不計算在內。
