【家庭電器】拎張紙巾都靚過人 MIRRO 燈影紙巾盒
人人屋企都會用紙巾，有卷裝有盒裝，若然講究一點，會買個紙巾盒裝住，不過由台灣方面所設計的 MIRRO 紙巾盒，決心要將紙巾盒成為家中擺設之一，拎紙巾，都要又靚又有型過人。
將 MIRRO 定性為紙巾盒，或者講成是可以擺放紙巾的枱燈，比較貼切。MIRRO 由台灣設計室 Mordeco 所設計，以全金屬製造，目的是要將紙巾「出得廳堂」，所以用上勁搶眼的金、銀色，絕不會走漏眼。
整個 MIRRO 的表面，設有輕觸感應，掂一掂，就會亮起出紙位的燈光。而燈光隨著紙巾的不同形狀，從而營造出不同的光影效果。
有人愛用卷裝紙巾，亦有人愛用盒裝紙巾，所以 Mordeco 特別為 MIRRO 設計不同的配件，無論是卷裝、長盒裝定方盒裝，都可以安居於 MIRRO 內，相當周到。
售價：
銀色：109 美元（約 HK$850）
金色：129 美元（約 HK$1,006）