【家居自煮】手機睇溫度 Pantelligent 智能平底鑊
無論煎炒煮炸，最重要識睇火，再加上時間掌握得好，其實已成功了一半，不過講就易，無一定經驗都難成事。由 Pantelligent 所推出的智能平底鑊，外形好似無特別，但暗藏感應器，更可連接手機睇溫度。
提起智能，一定想到簡單複雜化，外形又要好 cyber，不過睇外形，Pantelligent 其實跟一般平底鑊無分別，但就在鑊底裝有溫度感應器，並且連接至手柄位置的發射組件。當手機以藍牙與 Pantelligent 連接後，就可以從 Pantelligent 的專用手機 app 上，查看 Pantelligent 的即時溫度。
而在專用手機 app 內，設有多款菜譜，只要按照指示，亦能夠煮出火候適宜的菜餚。此外，用家可以自行設定，例如想要 medium rare 牛扒，只要預先輸入牛扒厚度，Pantelligent 到時候就會提醒用家。
售價：129美元（約 HK$1,006）