【家庭電器】行貨首度引入　Panasonic 易擺位洗碗碟機

個個都洗碗，你估個個都想洗碗？最好買部洗碗碟機，之不過以往的洗碗碟機，似乎是大戶人家專利，皆因全部大大部，而香港 Panasonic 最新引入的洗碗碟機 NP-TFM1，細細部，容易擺。

雖然 Panasonic 推出洗碗碟機已經有 50 年歷史，不過香港向來無行貨引入，今次首度引入，絕對是大喜訊。而首次在港出現的 Panasonic 洗碗碟機，型號為 NP-TFM1，切合香港的家居環境，長闊高只有 300ｘ470ｘ460mm，相信可輕易踩入廚房。

NP-TFM1 走小巧路線，但依然可以擺放 15 件餐具，2 至 4 人家庭都夠用。內置 5 種清洗程序，趕時間的話，可選擇「超快速」模式，最快 42分鐘完成清洗過程。而「標準」模式約需 74 分鐘。

利用碗籃下方的雙獨立旋轉噴嘴，配合 70°C 熱水清洗，可以幫手去油脂及污漬，不過最重要，是洗碗碟機用水量，相比每次人手清洗，平均用水量達 41 公升，而NP-TFM1 每次清洗所需的用水量，只有 9 公升，慳水又慳力。

 

 

售價：$4,580

產品網頁