【家居自煮】自己乳酪自己整 BRUNO 乳酪發酵機
不少香港人都自己出手焗麵包、攪雪糕，不過乳酪就未算太流行，其實日本方面，非常流行自製乳酪，所以乳酪發酵機亦大行其道，而 BRUNO 新引入香港的乳酪發酵機，不但食得更健康，仲有靚靚粉紅色機身。
其實以 BRUNO 乳酪發酵機（型號：LOE037-PK）自製乳酪好簡單，先將原味乳酪（或乳酪菌種）加入盒裝鮮牛奶，攪拌後直接將整盒牛奶（最多 1 公升）擺入乳酪發酵機，之後設定溫度及時間就完成，比起市面出售的，不少是以奶粉或奶固體，再加糖製造而成，自製乳酪夠晒「原汁原味」，或者可以加入水果，增加口感。
雖然叫乳酪發酵機，不過 BRUNO 乳酪發酵機不單只「招呼」乳酪，因為可將溫度設定於 25°C 至 65°C（每段 1°C 調校），配合 1 至 48 小時的定時設定，連酸忌廉、葡萄酒醋及酒釀等都整到，隨機亦都有專用食譜，毋須擔心無得玩。
售價：HK$398