【家居裝潢】港產設計　慳得就慳　Folding Toilet 概念馬桶

每日在馬桶上的時間，正常情況之下，極其量不過十零廿分鐘，但馬桶最小霸幾尺地方，在萬元尺土下，實在太不划算，所以香港有設計師發表的概念馬桶，用完可以摺埋，慳得就慳。

由香港設計師 Tsang Chi Pun 所發表的 Folding Toilet，顧名思義，即是可摺式洗手間，體積亦非常慳位，厚度只有約一尺深。除了馬桶可以摺起，中央部分的洗面盤，同樣可以摺起，而上方則有梳妝鏡。

雖然功能同賣相都夠特別，不過未有詳細解釋操作原理，尤其當馬桶摺起後，污物將會何去何從？不過既然只屬概念階段，大膽一點亦都無妨。