【家庭電器】放心食薯片 USB 充電 日本 Thanko 小型無線吸塵機
食薯片，好多人會選擇在梳化，甚至床上，但事後要清理，又的確好麻煩，日本 Thanko 小型無線吸塵機，可以 USB 充電之外，約 HK$200 就可以入手。
就算連同吸咀計，Thanko 小型無線吸塵機長度亦只有 375mm，約一隻半手掌長。操作亦相當簡單，機身只設有一個掣，負責開關功能，而環形手柄設計，方便將機身掛起，例如掛在梳化旁邊，隨拎隨吸。
隨機附有三個吸咀，不但可以吸薯片，毛刷吸咀可以清潔鍵盤等罅隙位置，而窄縫吸咀更加可以連水都吸到，雖然機仔細細，但相當實用。而且 Thanko 小型無線吸塵機採用 USB 充電，香港用家毋須擔心電壓問題，更可隨時用外置電池進行充電，夠晒方便。
