【家電資訊】一撳即扣數 日本 Thanko 自動麻雀枱 邊個輸贏即刻知

麻雀枱

麻雀最怕計數,無論打籌碼還是寫紙仔,埋數總要計一大輪,日本 Thanko 新推出的自動麻雀枱,每人都設有電子屏幕,撳一下掣就可以扣數,邊個輸贏一眼睇晒。

麻雀枱

Thanko 自動麻雀枱採用可摺式設計,無開戰時,可以摺起擺放,廠方稱具有靜音設計,就算深夜開戰,亦不怕擾人清夢,畀人投訴。

麻雀枱

而 Thanko 自動麻雀枱最大的特色,是每個人的前方,都設有多個按鈕,只要預先輸入資料,在食出後,按哪一家出沖,就會自動扣數,一睇就知邊個贏邊個輸,毋須怕計錯數。

麻雀枱 麻雀枱

 

售價:98,000 日元(約 HK$6,860)

產品網頁(日本)

*提提您,日本所使用的電壓與香港不同,在當地購買之電器,或需接駁變壓器,才可於香港使用。