香港人有幾鐘意食棉花冰，見到一街甜品店都有得賣，應該不用懷疑。不過，原來日本人對棉花冰更加瘋狂，日本品牌 Otona 日前推出全新的棉花冰機，香港 fans 們，不妨練定一身化棉神功，夏天用來招呼朋友時就大派用場。
未講點整棉花冰之前，首先講點整個「冰」，隨機附有圓形膠碗，只要將材料，例如牛奶、鍊奶、糖及果汁等，放入膠碗並雪藏至冰塊，之後將冰塊放入機內，調校好「棉花」的厚薄度，開機就會自動刨出棉花冰。
其實，Otona 上年已經推出過棉花冰機 DTY-16，更創下一年賣出十萬部的成績。今次新作 DTY-17，可擺放更大的冰塊之外，並且刨磨部分亦增加對冰塊的抓力，令冰塊在轉動更穩陣，更輕易刨出一塊又一塊的棉花冰。
售價：約 5,980 日元（約 HK$418）
產品網頁 （官方暫未上載 DTY-17 資料）
*請留意，日本所使用的電壓與香港不同，在當地購買之電器，或需接駁變壓器，才可於香港使用。