雖然電熱鍋又靚仔又方便，好多用家甚至可以一機煮幾味，但對於香港人來講，用電熱鍋打邊爐就似乎未夠「火喉」，日本 IRIS OHYAMA 新推出的 ricopa 電磁鍋，主打夠「大火」，用來打邊爐，絕對適宜。
一般電熱鍋，由於主要以發熱線作為熱力來源，所以火力有限，而剛於今個月中新推出的 ricopa，就採用 IH 電磁爐技術，令火力高達 1400W，火力夠猛，玩法當然更多，原廠除提供玻璃蓋的湯鍋，更可配搭平底煎鍋使用，不但可以打邊爐，甚至能夠取代廚房的「黑色平板長方電磁爐」，對於香港大多屬於 open kitchen 的家居環境，又多一個養眼 detail 位。
除了火力猛，最重要是外形非常靚仔，合共有三個顏色，包括米白、粉藍及粉紫色，而鍋身直徑 24cm，足夠煮出 4 至 5 人份量，若然覺得屋企太多鍋煲，廠方一樣照顧周到，可以獨立購買電磁爐部分。
售價：
IHLP-R14-PA（鍋連爐）：12.800 日元（約 HK$845）
IHL-R14-ＰA（淨爐）：9980 日元（約 HK$660）
*日本電壓為100V，在當地購買之電器，需接駁變壓器，才可於香港使用。