入廚的樂趣，在於可以將各種食材，變出精美佳餚。不過最花時間的步驟，就是將食材變成理想形狀，例如切片、切絲、切條等，與其慢慢切，不如搵幫手。德國家電品牌 SEVERIN 推出的切割機，就可以隨時變身，想食邊種「刀功」，一部機可以搞掂。
眼見香港一般廚房面積都不算大，所以德國品牌 SEVERIN 的切割機 Mr. Twister，體積相當親民，跟一部咖啡機差不多，可以輕易融入香港廚房中。而且一機多用，已是今時今日的指定動作，所以 Mr. Twister 具有五種切割模式，包括 5mm 義大利粉形狀、 9mm 扁意粉形狀、3mm 天使麵形狀、35mm 波浪形片及 24mm 片狀，只要換上合適刀模就可以隨時變身，點切都得，最重要是慳番不少時間，毋須切到手指都痛。
為方便用家，Mr. Twister 設計得夠體貼，入口位刻意加闊，方便將不同食材放入機內。而且每個部分都可以拆除清洗，不怕食材留在機內，加上隨機的一公升容器，符合歐盟 BPA FREE 標準，就算為小朋友預備食物，亦可以放心。
售價：$1,399