對於女士們來說，風筒絕對非常重要，每日秀髮的狀態，完全睇風筒的功力。來自日本的 TESCOM，其首創白金納米膠原蛋白功能，早已俘虜不少日本女性芳心，而香港方面亦決定引入，有望最快今個月底，可以正式在港開賣！
如果有留意日本電器，應該會發現日本不少家電店，都有發售 TESCOM 風筒，陣容之強大，足可媲美港人熟悉的大品牌。今次將會引入香港的，是型號為 TCD5000 的白金納米膠原蛋白風筒。首先要講何謂白金納米膠原蛋白，其實是集合膠原蛋白、白金及納米而成，而膠原蛋白及白金，可滋潤髮質及鞏固髮色，再加上納米負離子，可令髮絲保持濕潤。
而 TCD5000 不但可以令秀髮變靚，更設有「顏肌」功能，即是連皮膚都照顧埋，原因在於其白金技術。皆因將白金經過納米處理，當吹到面部時，白金就會依附在皮膚角質上，中和自由基，延遲老化情況，甚至可以做到除菌功能。睇完，的確有點太過超乎想像，所以，TCD5000 具有 SGS 認證，證明絕非得個講字。
現時，香港售價仍未定，請密切留意 BetterHome.hk 之跟進報導。