眾多廚房家電之中，要數最變化多端又功能多多，首選廚師機，攪拌、研磨、切碎、榨汁樣樣得。Bosch 最新推出的 OptiMUM 廚師機，不但換上全新外形，更新加入內置電子磅及更多自動功能。
外形經過重新設計的 Bosch 最新廚師機 OptiMUM（型號：MUM9YX5S12），採用鋁壓鑄及不鏽鋼外殼，份量十足，提供出色穩定性。在使用設計方面，過往型號若要轉用其他配件，例如果汁攪拌壺，需要先將摩打臂轉低，而新機就簡單好多，只要將臂上的蓋揭開，就可以直接放上其他配件。
新機焦點之一，是加入輕觸式 panel，皆因新機具備電子磅功能，透過屏幕可以睇到所放入的食材份量，最多可顯示 5,000g 重量，對於講求份量準確的用家，毋須將食材拎來拎去「過磅」，慳返好多時間。
之前 Bosch MaxxiMUM 系列廚師機中的 MUMXX40GGB，已經具備智能感應技術，但只有蛋白及忌廉受惠。今次新機再發揚光大，升級到麵糰（歐式包）都可以自動感應，新手都可以打出理想狀態。此外，也可利用計時功能，預先設定好攪拌時間，完成後就會有聲響提示，就算同一時間處理多種食材，亦不會雞手鴨腳。
當然，廚師機最重要的，當然是攪拌力度，新機採用 1500W 摩打，可處理 3,500g 蛋糕混合材料或 1,500g 麵粉加食材的麵糰。而廠方同時亦推出 MUM9Y35S12 及 MUM9Y43S00，同樣採用全新外形，但就無輕觸 panel，所以電子磅、計時及智能感應功能亦踢走。前者採用 1500W 摩打，後者則為 1300W 摩打。
MUM9Y35S12
MUM9Y43S00
售價：
MUM9YX5S12：$7,988
MUM9Y35S12：$6,988
MUM9Y43S00：$5,988