【家庭電器】幫阿爸揼個靚骨　OSIM 父親節快閃減價

好快又到父親節，做人阿爸甚辛苦，當然要好好慰勞一下，而 OSIM 趁住父親節，旗下多款產品齊齊減價，由頭到腳都照顧到，老套講句：減價期有限。

講到明多款產品都減價，就由按摩椅講起，四款皇牌按摩椅都有減價，而且由 5 月 31 日至 6 月 18 日買任何按摩椅，可享免 1 個月供款期優惠（以 36 個月計算）。如果想阿爸有頂級享受，當中天王之王 Luxe 減約 $1,400，設有 720 度按犘球滾動，以橫向及直向 360 度旋轉，配合 V 形夾膊設計，針對肩頸及腰背。而特長軌道連接頭、肩頸、腰背以至臀部，若另加 $388 可安裝視聽娛樂架，配合環抱式音樂播放器，可以一邊按摩，一邊睇戲電影。其餘三款白馬王子、小天后明星版 2 及小天后復刻版，則減 $300 至 $900 不等。