【家居自煮】準備好未？ BRUNO 雙杯雪糕機 香港開售日期、價錢公布
早前 BetterHome.hk 率先試玩 BRUNO 雙杯雪糕機，可惜未有得賣，唯有得個睇字。不過 ，BetterHome.hk 收到最新消息，香港將會引入此雙杯雪糕機，毋須再心思思打水貨主意喇。
BRUNO 所推出的雙杯雪糕機，可以一口氣自製兩種口味，用法夠簡單，只要將兩隻「雪糕杯」冰凍 8 至 12 小時，然後放上機座，就可以倒入食材，兼且即時進行攪拌，小朋友都識玩。早前 BetterHome.hk 實機試玩後，操作上的確相當方便，為迎接夏天來臨，香港方面終於落實引入，絕對是各位 BRUNO 及雪糕迷的喜訊。
雙杯雪糕機預計今個月底（七月）在港開賣，據知顏色方面將為綠色，售價方面為 HK$598。