想住得舒服，未必要住得豪住得大，但企理乾淨整齊就肯定不可少，之不過，一諗起搞清潔，好多人已經即時頭都痛埋，不如參考以下創意清潔 13 式，應該可以幫到手！
作者: admin
【家居自煮】無焗爐都掂 明火 pizza 爐即烤即食
好多人鍾意食 pizza，不過想自家製獨特口味，首先，屋企要有個焗爐，但若然連焗爐都無，又可以點？並非叫你去偉大的祖國搵，可以買個 Pizzeria Pronto，一樣幫到你整美味 pizza。
【家居裝潢】一滴水用七次 Hamwells 「荷蘭」式環保浴
普普通通沖一次涼，隨時都要十分鐘，有研究顯示，沖十分鐘涼，其實已經花掉 100 公升水，如果一日沖兩次，小數怕長計，隨時水塘都俾你沖乾。所以，沖涼都要講環保，有荷蘭公司就推出一款全新淋浴系統，將水過濾及循環再用，一滴水，用足七次。
【家庭電器】個鼻舒服晒 Electrolux 渦輪殺塵蟎
每朝起身都不停打噴嚏，本來瞓到自然醒，又即時搞到無里精神，當中好大原因，是床上不只你一個人，仲有大量肉眼看不到的塵蟎「陪伴你左右」，所以，近年不少專門對付塵蟎的吸塵機推出，今次輪到 Electrolux 出手，不單輕鬆吸塵，更可以吸走塵蟎。
【家居裝潢】復刻經典家品 法國 Baccarat 晶雕細琢
要 show off 品味，人靠衣裝，屋企，當然要有絕色珍品，不過，擺古董未必人人都啱，不如要睇得又用得的法國水晶家品，今次 Baccarat 將過去曾在多屆世界博覽會上發布，以及於19世紀至20世紀的特別訂造水晶珍品，特別復刻並命名為 Baccarat 2016 Mémoire 系列。
Continue reading “【家居裝潢】復刻經典家品 法國 Baccarat 晶雕細琢”
【家事百科】停電後高危時間 三大電器最易壞
雖然香港電力供應穩定，停電情況並不常見，不過小心駛得萬年船，因為當停電一段時間之後，若突然間恢復供電時，家中多個電器就會同時啟動，直接令電壓瞬間曝升，好易令電器抵受不住而燒毀電子組件。
【家庭電器】港女愛 BRUNO BRUNO 愛 Snoopy
憑住一身迷人色彩的日本 BRUNO 電熱鍋，早前終於正式登陸香港，一眾香港女性無不動容，大讚好靚好得意，不過仲心大心細揀邊款顏色的時候，日本方面又有新機推出，更加是 Snoopy 特別版，令人愛上加愛。
【家庭電器】空氣有幾差？ Oregon 貼身話你知
雖然政府每日都有公布香港的空氣污染指數，不過範圍太廣太闊，未夠貼身，如果可以即時知道身處地方的空氣質素，實用程度一定比政府公布的更高，而 Oregon Scientific 的 Oregon. AIR Smart Air Monitor（簡稱 Air Monitor），就可以日日攜帶，隨時「報數」。
【家庭電器】自動識洗底 Tefal 燙斗玩無線充電
燙衫，絕對是一門學問，識燙，未必代表燙得靚，不過想燙得靚，最起碼，都要有個好燙斗，但又點為之好燙斗？又最起碼，用得順手之餘，燙得流暢心到燙斗到，無條電線阻手阻腳，甚至乎，可以識得自我清潔，仲好。
【家事百科】清潔劑勿亂溝 隨時會中毒
搞家居清潔，好多時候都會用到各式各樣的去污清潔劑，近年網上亦有不少文章，甚至教人可以用白醋作為清潔劑之一，好多人為求洗得乾淨，一於「有殺錯，無放過」，將不同清潔劑一齊用，但若然胡亂配搭，隨時中毒都未知。
【家居裝潢】堅離地廚櫃 洗碗洗到飛起
香港廚房大多面積有限，設計亦千篇一律，不過如果地方夠大，其實可以玩得好放，例如由意大利品牌JSC Imprimere的The Wing，將廚房變得有生氣之餘，仲好有科幻感。
【家事百科】五個秘技 令毛巾又白又夠軟
每次去酒店，總覺得別人的毛巾特別白特別軟特別好抹，點解屋企條毛巾又黃又乾又硬？其實只要識得五個秘技，每次沖涼洗面，都抹得舒服過人。
【家事百科】屋企齊齊整整 七個習慣最緊要
點解屋企愈住愈亂？好多人只會到忍無可忍的時候，先來個大執拾，不個執完未夠一星期，好快就打回原形，其實，只要養成七個好習慣，就可以令屋企齊齊整整，毋須再為執屋而煩惱。
【家庭電器】Dyson 新機三合一 有涼有暖有淨化
香港家居環境一般不算太大，最好一機多用，能夠節省更多地方，Dyson 新推出的 Pure Hot+Cool Link 智能空氣淨化風扇暖風機，一次過有齊冷暖風及空氣淨化功能，除此之外，更可以連接手機專用 app Dyson Link ，可以進行自動監控、調節及淨化家中空氣，然後傳送數據到 app 上，就算遠距離都可以調節居家環境。